અહીં ભરાય છે દુલ્હનોનું માર્કેટ, પસંદ પડે તો પૈસા ચૂકવી કરી શકાય છે લગ્ન

ઈન્ટરનેશનલ ડેસ્કઃ સામાન્ય રીતે જીવનજરૂરી ચીજવસ્તુઓના બજાર ભરાતા હોય છે. પરંતુ શું તમને ખબર છે દુનિયામાં એવી પણ જગ્યા છે જ્યાં દુલ્હનોનું બજાર લાગે છે? બલ્ગેરિયામાં સ્ટારા જાગોરમાં દર ત્રીજા વર્ષે એક વખત દુલ્હનોનું બજાર ભરાઈ છે. અહીં આવીને વર પોતાની મનપસંદ દુલ્હનની ખરીદી કરી તેને પોતાની પત્ની બનાવી શકે છે. આ મેળો એવા લોકો દ્વારા યોજવામાં આવે છે જેમની આર્થિક સ્થિતિ સારી ન હોય.

આવો હોય છે મેળો

યુવતીઓને દુલ્હનના પોષાકમાં સજાવીને લાવવામાં આવે છે. બજારમાં લાવવામાં આવેલી દુલ્હનમાં અંદાજે દરેક ઉંમરની યુવતી-મહિલાઓનો સમાવેશ થાય છે. દુલ્હન ખરીદવા માટે મોટાભાગે યુવકની સાથે તેનો પરિવાર પણ આવે છે. પહેલા વરરાજા યુવતીને પસંદ કરે છે અને ત્યારબાદ તેની સાથે વાત કરવાની તક આપવામાં આવે છે. યુવતી પસંદ આવ્યા બાદ યુવતીના પરિવારને નક્કી કરાયેલી રકમ આપવામાં આવે છે.