IPLમાં 15 મિનિટના પરફોર્મન્સ માટે રણવીરને મળશે આટલા કરોડ! રકમ જાણીને ચોકી જશો

સ્પોર્ટ્સ ડેસ્ક: 7 એપ્રિલથી શરૂ થવા જઇ રહેલી IPL-11ની ઓપનિંગ સેરેમનીમાં રણવીર સિંહ પરફોર્મ કરતો જોવા મળશે. આ 15 મિનિટના પરફોર્મન્સ માટે રણવીરને 5 કરોડ જેટલી જંગી રકમ આપવામાં આવશે.

ઓપનિંગ સેરેમનીમાં રણવીર કરશે પરફોર્મ

આઇપીએલની ઓપનિંગ સેરેમનીના દિવસે રણવીરને 15 મિનિટના પરફોર્મન્સ માટે 5 કરોડ રૂપિયા આપવામાં આવશે. ઓર્ગેનાઇઝિંગ ટીમ પહેલા નિર્ણય કરી ચુકી હતી કે તેમને ઓપનિંગ સેરેમનીના દિવસે રણવીર સિંહની પરફોર્મન્ચ જોઇએ, માટે તેને આટલી મોટી રકમ ઓફર કરવામાં આવી છે.

મુંબઇમાં યોજાશે ઓપનિંગ સેરેમની

IPLની ઓપનિંગ સેરેમની મુંબઇના વાનખેડે સ્ટેડિયમમાં યોજાશે. રણવીર સિવાય પરિણીતી ચોપરા, વરૂણ ધવન અને જેકલીન ફર્નાન્ડીઝનું પણ પરફોર્મન્સ જોવા મળશે. ઓપનિંગ સેરેમની બાદ મુંબઇ ઇન્ડિયન્સ અને ચેન્નાઇ સુપરકિંગ્સ વચ્ચે ઓપનિંગ મેચ રમાશે. આ વખતે ઓપનિંગ સેરેમની એટલી ભવ્ય રાખવામાં આવી નથી.